Henk Diekslag uut bestuur Dialect Wârkgroep

HEERDE- Henk Diekslag is nao 28 jaor uut 't bestuur van de Dialect Wârkgroep etreedn. Veurzitter Jan van Leeuwen bedankn Henk veur zien grote inzet. Hie haeln veural an dat Henk zien bemuujenissn met de aoverkoepelnde Dialectclubs zoas ´t Sont, SOV en het Verbond van Nedersaksische tael de Wârkgroep daor veule an ehad hef. Zien schrieverieje, en uutgeevm van boekn en de inzet veur de woordnboekn umme saemm met de groep dit te klaorn. Ok de cursus Uule, Wuule, Zuule die deur Hârman Visser wat ´n enorm succes ewes is is mede deur Henk tut stand ekomm. De Wârkgroep Heerde-Waopmvelde doet goed hun beste umme bie te blievm. Gelukkeg blif Henk lid en kan de Wârkgroep nog profiteern van zien veule kennes gebruukmaekn. Tut ´t bestuur is toe etreedn Fennie Boerdam. De eerste vrouwe sinds de oprichting. Elke leste woensdag aovmd umme half achte in ´t Dârpshuus van Heerde, is de Wârkgroep anwezeg. Op woensdag 28 november kump Bennie Rorije vertelln aover ´t Waopmvelds Gerei.